ஐஸ்க்ரீம் குச்சி வால் ஆர்ட்

வழங்கியவர்:

தேதி: January 9, 2013

ஐஸ்க்ரீம் குச்சிகள் - 6
கார்டுஸ்டாக் பேப்பர் - விரும்பிய நிறங்கள்
க்வில்லிங் டூல், க்வில்லிங் கோம்ப்
க்ளூ

ஐஸ்க்ரீம் குச்சிகளை படத்தில் உள்ளது போல் அடுக்கி ஒட்டவும். விரும்பினால் குச்சிகளுக்கு விரும்பிய நிறத்தில் வண்ணம் அடித்து வைக்கவும்.

பச்சை, மஞ்சள் நிற பேப்பர்களை கால் அங்குல அளவுகளாக வெட்டி எடுக்கவும். ஒரு பச்சை நிற ஸ்ட்ரிப்பின் முடிவில் ஒரு மஞ்சள் ஸ்ட்ரிப்பை ஒட்டவும். க்வில்லிங் கோம்பில் உள்ள கம்பியை எண்ணி சரி பாதி நடுவில் உள்ள கம்பியில் மஞ்சள் நிற ஸ்ட்ரிப்பை கீழ் வழியே நுழைத்து மேலே எடுத்து ஒட்டவும் .(கம்பியில் ஒட்டிவிடாமல் ஸ்ட்ரிப்பிலேயே ஓட்டவும்).

பிறகு அந்த ஸ்ட்ரிப்பை அதற்கு மேலே உள்ள கம்பியின் இடையில் அடி வழியாக நுழைத்து அந்த கம்பியின் மேலே எடுத்து மறுபடியும் அடியில் கொண்டுவந்து, முதல் முதலில் ஒட்டிய கம்பிக்கு கீழே உள்ள கம்பியில் கீழ் வழியாக நுழைத்து மேலே எடுக்கவும்.

இப்படியே அந்த ஸ்ட்ரிப் முடியும்வரை மேலும் கீழுமாக மாற்றி மாற்றி கொண்டுவரவும். கம்பியின் பின்புறம் படத்தில் உள்ளதுபோல் இருக்கும்.

கம்பியின் முன்புறம் படத்தில் உள்ளதுபோல் இருக்கும்.

இதை கவனமாக கம்பியைவிட்டு எடுக்கவும். படத்தில் இருப்பதுபோல் பூவின் இதழ் கிடைக்கும். இதுபோல் சில இதழ்கள் செய்துகொள்ளவும். http://www.arusuvai.com/tamil/node/24137 இந்த லிங்கில் இருப்பதுபோல் பூக்கள் செய்து கொள்ளவும்.