வழங்கியவர்:

தேதி: January 10, 2013

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

ஓட்ஸ் - ஒரு கப்
எலும்பில்லாத கோழி - 50 கிராம்
தேங்காய்பால் - அரைகப்
வெங்காயம் - ஒன்று
தக்காளி - ஒன்று
பச்சைமிளகாய் - 2
கேரட் - ஒன்று (சிறியது)
பீன்ஸ் - 5
மல்லிக்கீரை - 2 கொத்து
புதினா - 2 கொத்து
பட்டை - ஒன்று
கிராம்பு - 2
ஏலக்காய் - ஒன்று
பிரியாணி மசாலா - அரை தேக்கரண்டி
மஞ்சள் தூள் - கால் தேக்கரண்டி
சோம்புதூள் - கால் தேக்கரண்டி
சீரகத்தூள் - அரை தேக்கரண்டி
மிளகுதூள் - அரை தேக்கரண்டி
இஞ்சி, பூண்டு விழுது - ஒரு தேக்கரண்டி
உப்பு - தேவையான அளவு
எண்ணெய் - 3 தேக்கரண்டி

வெங்காயத்தை நீளவாக்கில் மெல்லிய துண்டுகளாக நறுக்கிக்கொள்ளவும். தக்காளியை துண்டுகளாக நறுக்கிக் கொள்ளவும். கேரட், பீன்ஸ் இரண்டையும் பொடியாக நறுக்கி வைக்கவும். பச்சை மிளகாயை நடுவில் கீறி வைத்துக் கொள்ளவும். மல்லி, புதினாவை பொடியாக நறுக்கிக் கொள்ளவும்.

ஒரு பாத்திரத்தில் எண்ணெய் ஊற்றி காய்ந்ததும் பட்டை, கிராம்பு, ஏலக்காய் போட்டு தாளித்து விட்டு வெங்காயம், பச்சைமிளகாய், புதினா சேர்த்து நன்கு வதக்கவும் .வெங்காயம் வதங்கியதும் அதில் இஞ்சி, பூண்டு விழுது சேர்த்து நன்கு வதக்கவும்.

பிறகு மஞ்சள்தூள், பிரியாணி மசாலா சேர்த்து வதக்கிவிட்டு தக்காளி சேர்த்து வதக்கவும்.

தக்காளி நன்கு வதங்கியதும் கோழி, மிளகுதூள், சீரகதூள், சோம்புதூள் சேர்த்து கிளறிவிடவும். அத்துடன் உப்பு, கேரட், பீன்ஸ் சேர்த்து நன்கு கிளறி விட்டு ஒன்றரை கப் தண்ணீர் சேர்த்து ஒரு மூடிபோட்டு 5 நிமிடம் கொதிக்க விடவும்.