பேப்பர் தாமரை

வழங்கியவர்:

தேதி: May 27, 2013

A4 அளவு காகிதங்கள் - இளம் பச்சை, அடர் பச்சை, பிங்க், இளம் ஊதா (அ) விரும்பிய நிறங்களில்

ஒரு A4 அளவு பேப்பரை 32 துண்டுகளாக்கி http://www.arusuvai.com/tamil/node/15022 இந்த லிங்கில் உள்ளது போல முக்கோணங்களை மடித்துக் கொள்ளவும். (இதில் இளம்பச்சை நிறத்தில் 144 முக்கோணங்களும், அடர்பச்சை நிறத்தில் 192 முக்கோணங்களும், 42 இளம் ஊதா நிற முக்கோணங்களும், 96 பிங்க் நிற முக்கோணங்களும் பயன்படுத்தியுள்ளேன்).

படத்தில் உள்ளது போல மூன்று இளம்பச்சை முக்கோணங்களை இணைக்கவும்.

அடுத்த வரிசையில் நடுவில் ஒரு அடர்பச்சை முக்கோணமும், இரு ஓரமும் இளம்பச்சை முக்கோணங்களையும் இணைக்கவும். அதற்கடுத்து நடுவில் 2 அடர்பச்சை முக்கோணங்களும், இரு ஓரமும் இளம்பச்சை முக்கோணங்களையும் இணைக்கவும்.

இதேபோல தொடர்ந்து நடுவில் 5 அடர்பச்சை முக்கோணங்கள் வரும் வரை இணைத்து, பின் 4, 3, 2, 1 என குறைத்து கடைசியில் ஒரு இளம்பச்சை முக்கோணத்தை இணைத்து முடிக்கவும். படத்தில் உள்ளது போல டைமண்ட் வடிவத்தில் கிடைக்கும். இதே போல 6 டைமண்ட் வடிவங்கள் செய்து கொள்ளவும்.

படத்தில் உள்ளது போல இரண்டு டைமண்ட் வடிவங்களின் ஓரத்திலிருக்கும் இளம்பச்சை முக்கோணத்தினுள் அடர்பச்சை முக்கோணங்களை நுழைத்து இரண்டு டைமண்ட் வடிவங்களையும் இணைக்கவும்.

அதனுடன் மீதமுள்ள 4 டைமண்டுகளையும் தொடர்ச்சியாக இணைக்கவும். எல்லா டைமண்டுகளையும் உட்புறமாக வளைத்து விட்டால் படத்தில் உள்ளது போல வடிவம் கிடைக்கும். இது தாமரை மலரின் இலைப்பகுதி.

அடுத்து பூ செய்ய பிங்க் நிற முக்கோணங்களை 1,2,3,2,1 என்ற வரிசையில் படத்தில் உள்ளது போல இணைக்கவும். சிறிய டைமண்ட் வடிவம் கிடைக்கும். இதே போல மொத்தம் 6 டைமண்டுகள் செய்து வைக்கவும்.

இரண்டு பிங்க் டைமண்டுகளை, இளம் ஊதா முக்கோணத்தினால் இணைக்கவும்.

படத்தில் காட்டியுள்ளது போல இளம் ஊதா முக்கோணங்களை தொடர்ச்சியாக இணைக்கவும்.

மீதமுள்ள பிங்க் நிற டைமண்டுகளையும் இதே போல இணைத்தால் படத்தில் உள்ளது போல பூ கிடைக்கும்.

இளம் ஊதா நிறத்தின் ஓரத்தில் மேலும் ஒரு வரிசை பிங்க் முக்கோணங்களை இணைக்கவும். எல்லா இதழ்களையும் சேர்த்து கைகளால் இறுக்கினால் படத்தில் உள்ளது போல குவிந்து வரும்.