குழந்தை தத்தெடுக்க லஞ்சம் கொடுக்கணுமா? தகவல் தெரிந்தால் சொல்லுங்கள்

நான் இந்த‌ தளத்தில் பதிவுகள் இட்டு பல‌ நாட்கள் ஆகி விட்டன‌. நான் சில‌ வருடங்களுக்கு முன்பு எனது இரண்டு குழந்தைகளை SMA என்கிற‌ கொடிய‌ நோய்க்கு இழந்ததை பற்றி பதிவு செய்திருந்தேன்.
மருத்துவர்கள் அடுத்த‌ குழந்தைக்கும் இந்த‌ நோய் பாதிக்கும் வாய்ப்பு இருப்பதால் அதை தவிர்க்கும் படி கூறுகின்றனர். அல்லது கருதரித்து இரண்டாவது மாதம் சோதனை செய்து முடிவு பாசிடிவ் என்றால் அபார்ஷன் செய்ய‌ சொல்கின்றனர். எங்களுக்கு கருவில் ஒரு உயிரை கொல்ல‌ விருப்பம் இல்லை. எனவே நாங்கள் தத்து எடுக்க‌ முடிவு செய்துள்ளோம். இதற்காக‌ பல‌ இடங்களில் முயற்சித்து பலன் இல்லை. எங்களுக்கு தெரிந்த‌ நண்பர்களிடமும் கூறியுள்ளோம்.
கருனை இல்லங்களை தொடர்பு கொண்டாலும் அவர்கள் குழந்தை தற்போது இல்லை என‌ திருப்பி அனுப்பி விடுகின்றனர்.
குழந்தை இல்லாத‌ பெற்றோர்களையும், பெற்றோர் அன்புக்கு வாடும் குழந்தைகளையும் கூட‌ சேர‌ விடாமல் சில‌ பணப்பேய்கள் தடுக்கின்றனர்.
அனைத்து துறைகளிலும் புகுந்த லஞ்சம் எனும் வைரஸ் இப்போது தத்தெடுக்கும் மையங்களிலும் புகுந்துள்ளது.

ஒருமாத குழந்தை 2,00,000 ரூபாய் பிறந்த உடனா 2,50,000 ரூபாய் ஒரு வயத்துக்குள் கேட்டால் 1.50.000 ரூபாய் என் விலை பேசுகிறார்கள்.
தர மறுத்தால் குழந்தை இல்லை என அனுப்பி விடுகின்றனர் அல்லது உங்க ஏரியா பக்கம் பாருங்க என்பது தான் பதில்.
நாங்கள் உண்கின்ற‌ உணவோடு எங்கள் அன்பையும் ஊட்டி வளர்க்க‌ ஒரு வாரிசை தேடுகின்றோம்.
எங்களை விட்டு பிரிந்த‌ இருவரும் தேவதைகள் என்பதால் முதலில் ஒரு பெண் குழந்தையை எதிர்பார்க்கின்றோம்.

ஒவ்வொரு இடத்திலும் முயற்சித்து எங்களுக்கு மிஞ்சுவது எங்கள் கண்களில் சில‌ துளி கண்ணீர்கள் மட்டுமே

இந்த‌ தளத்தை பார்வையிடும் யாராவது ஒருவர் மூலமாக‌ எங்களுக்கு ஏதேனும் வழி கிடைக்குமா என்று எதிர்பார்க்கின்றோம்.

எல்லாவற்றிற்கும் மேலாக‌ இறைவனை நாங்கள் அதிகம் நம்புகின்றோம்.
அவன் தடுத்தவற்றை எவராலும் கொடுத்து விட முடியாது.
அவன் கொடுக்க‌ நினைத்து விட்டால் அதை தடுக்க எவராலும் முடியாது.

பொறுமையையும் தொழுகையையும் கொண்டு இறைவனிடம் உதவி தேடுவோம். நிச்சயம் அவனே மிகச் சிறந்த‌ கொடையாளன்.