வலி மிகும் இட‌ங்கள் (மூட்டு வலி)

வலி மிகும் இடங்கள் என்றதும் தமிழ் இலக்கணம்னு நினைச்சி தலை தெறிக்க‌ ஓடாதீங்க‌.

மூட்டு வலியைப் பற்றியே அவ்வாறு வேடிக்கையாகச் சொல்ல‌ வந்தேன்.

அனேகமாக‌ நாம் எல்லோருமே எங்காவது ஓரிடத்தில் மூட்டு வலியை அனுபவித்திருப்போம். மூட்டு வலின்னு டாக்டரிடம் போனா அவர் பெயின் கில்லர் தான் தருவார். அது சில‌ தினங்களுக்கு மட்டுமே நிவாரணம் தரும். டி.வி. விளம்பரத்தைப் பார்த்து அதையும், இதையும் வாங்கித் தேய்ச்சா அதுவும் தற்காலிக‌ நிவாரணந்தான். கண்டகண்ட‌ மாத்திரையை வாங்கி போட்டால் உள்ளே போயி என்னென்ன‌ பண்ணுமோ தெரியல‌.

ஒரு மீட்டிங்க்ல‌ திண்டுக்கல் லியோனி நகைச்சுவையா சொன்னது நினைவுக்கு வருது.

ஒரு அம்மா கைவலின்னு டாக்டரிடம் போனாங்களாம். கையை நல்லா தூக்கி துணியை அடிச்சி துவைக்கிற‌ மாதிரி (பிடிக்காதவங்களை மனசில‌ நினைச்சிகிட்டு) கையை நல்லா சுழற்றி துவைக்கிறாப்பல‌, பிழியறாப்பல‌ ஆக்ச‌ன் பண்ணச் சொன்னாராம். கப்பியில‌ தண்ணீர் இழுக்கிற‌ மாதிரி வாளி நிறைய‌ வெயிட் வச்சி இழுக்கச் சொன்னாராம். வலி சரியாப் போச்சாம்.

இதிலிருந்து என்ன‌ தெரியுது. நமது உடலின் எல்லா பாகத்துக்கும் அசைவுகள் தேவை. குனிந்து, நிமிர்ந்து , வளைந்து அசையும் போது ஆரோக்கியம் நம்மோடவே இருக்கும்.

சரி இப்போ சில‌ வலி மிகும் இடங்களைப் பற்றி பார்க்கலாம்.

சில‌ எளிய‌ பயிற்சிகள் மூலம் இதுக்கு தீர்வும் சொல்ல‌ வந்திருக்கேன். ஆரம்பிக்கலாமா??

ரெடி.....ஸ்டார்ட்

முதலில் கழுத்து வலி

பின்கழுத்தில் இந்த‌ வலியை நாம் அனுபவித்திருப்போம். கழுத்தைத் திருப்ப‌ முடியாமல் கஷ்டப்படுவோம்.

முதல்ல‌ நாம் எங்கேயும் எப்போதும் நிமிர்ந்து நேரா இருக்கப் பழகணும். முதுகெலும்பை நேரா வச்சிருந்து பழகினாலே பாதி குணமாயிடும்.

இந்த‌ இடத்தில் ஒரு சம்பவத்தை சொல்கிறேன். என் சகோதரர் சாப்பிடும் போது தினமும் டி. வி. பார்த்துக் கொண்டே சாப்பிட‌ வசதியாக‌ டைனிங் டேபிளில் உணவு ஒரு திசையிலும், உட்கார்ந்து சாப்பிடும் திசை வேறு கோணத்திலுமாக‌ சாப்பிடுவது வழக்கம். கழுத்து வலி வந்தபின்னர் அந்தப் பழக்கத்தை மாற்றினார்.

அதனால் தான் சொல்கிறேன். சரியான‌ பொசிசன்ல‌ எப்பவும் இருக்கணும்.
பயிற்சின்னு சொன்னால், ரொம்ப‌ சிம்பிள். கழுத்தை வலமிருந்து இடமாக பத்து தடவை சுழற்றுங்க‌. அப்புறமா இடமிருந்து வலமாக‌ பத்து தடவை சுழற்றுங்க‌.
ஏனோதானோவென்று செய்யாமல் நிதானமா கழுத்தை நல்லா திருப்பி சிரத்தையோடு செய்யணும். ரொம்பவும் வலி இருந்தால் வலிக்க‌ வலிக்க‌ கஷ்டப்பட்டு செய்ய‌ வேண்டாம். முடிந்தவரை கழுத்தைத் திருப்பி செய்யணும்.
சில‌ தினங்களில் வலி சரியாகி விடும்.

உங்களுக்கு உயரம் குறைவான‌ தலையணையை நான் ரெகமண்ட் செய்யறேன்.

அடுத்து தோள்பட்டை, கை வலி

முதல்ல‌ நம் அறுசுவைத் தோழிகள் கணினி இயக்கும் போது கையும், மவுஸும் ஒரே லெவல்ல‌ இருக்கும்படி வச்சுக்கோங்க‌.

1. கைகளிரண்டையும் முன்பக்கம் நீட்டவும். முதல்ல‌ விரல்களை நன்கு விரித்து மீண்டும் மூடவும். இவ்வாறு விரல்களை நீட்டி மடக்குவதால் நம் முழங்கை வரை ரத்த‌ ஓட்டம் சீராகிறது. ஐந்து தரம் செய்யுங்க‌.

2. இரண்டு கைகளையும் முன்பக்கம் நீட்டவும். விரல்களை கோர்த்துக் கொள்ளவும். இப்போது உள்ளங்கைகள் உங்களை நோக்கியபடி இருக்கும். அப்படியே உள்ளங்கைகள் வெளிப்புறம் வருமாறு விரல்களைத் திருப்பவும். மீண்டும் உள்ளங்கைகள் உங்களை நோக்கியபடி திருப்பவும்.

சரி.. அப்படியே கைகளைக் கோர்த்தபடி கைகளைத் தலைக்கு மேலாக‌ தூக்கவும். இப்போது உள்ளங்கைப் பக்கம் தலையை நோக்கியபடி இருக்கும். அப்படியே உள்ளங்கை வானத்தை நோக்கியபடி இருக்குமாறு திருப்பவும். மீண்டும் உள்ளங்கைகள் தலையைப் பார்த்தபடி திருப்பவும்.

இது ஒரு சுற்று. இதையே பத்துதரம் செய்யவும். இது மிகவும் சிம்பிளான‌ பயிற்சி. எவ்வளவு சிம்பிளோ அவ்வளவு பவர்புல். கட்டாய‌ம் கை வலி, தோள்பட்டை வலி சரியாகும். சில‌ நாட்கள் செய்ததும் ரிசல்ட் தெரியும்.

முதுகு வலி

முதல்ல‌ கூன் போடாம‌ நிமிர்ந்து நிற்கப் பழகுங்க‌. எங்க‌ வீட்ல‌ அழகான‌ தேக்கு மர‌ ஈசிசேர் ஒண்ணு இருந்தது. இப்பவும் இருக்கு. என் தந்தை ரிடையர்மெண்ட் ஆனதும் அடிக்கடி ஈசிசேரை உபயோகப்படுத்த‌ ஆரம்பித்தார். விளைவு கடுமையான‌ முதுகுவலி. அதன் பின்னர் அதை தூக்கி ஓரமா வேண்டாத‌ பொருளோட‌ போட்டாங்க‌. அதனால‌ தான் சொல்லுறேன் நிமிர்ந்து உட்காரணும்னு.

மேலும், படுக்கும் போதும் சரி, நாற்காலியில் அமர்ந்திருக்கும் போதும் சரி ஒரு காலின் மீது அடுத்த‌ காலைப் போட்டு அமரக் கூடாது.

மேலும், நீங்க‌ ஹைஹீல்ஸ் செருப்பை தவிர்த்து விடுங்கள்.

பயிற்சிகள்
எட்டு நடை கேள்விப்பட்டு இருக்கீங்களா?

ஒரு ரூம் சைஸ்ல‌ 8 அப்படீன்னு பெரிய‌ எட்டா சாக்பீசால‌ எழுதிக் கொள்ளவும். அந்த‌ சாக்பீஸ் லைன் மீது பத்து நிமிடம் நடங்க‌.

அவ்வளவு தான் முதுகுவலி இடுப்பு வலி எல்லாம் ஓடியே போகும். இன்னொரு எளிய‌ பயிற்சியும் சொல்லுறேன்.

அதுதான் ரிவர்ஸ் வாக்கிங்.

இது முதுகு வலிக்கு ரொம்ப‌ பெஸ்ட்னு சொல்லுவேன்.

பின்புறமா நடப்பது தான் இது. தினமும் பத்து நிமிடம் பின்னங்காட்டி நடந்தால் கட்டாயம் முதுகு வலி சொல்லாம‌ கொள்ளாம‌ ஓடியே போயிடும்.

கவனம். பின்புறமா நடக்கும் போது நடைபாதை சீராக‌ இருக்க‌ வேண்டும். இல்லாவிட்டால் தலைவலி போய் திருகு வலி வந்த‌ கதை தான்.

இருவர் சேர்ந்து நடந்தால் எளிதாக‌ இருக்கும். எப்படியெனில் ஒருவர் நேராகவும், மற்றவர் பின்புறமாகவும் நடந்தால் ஒருவருக்கொருவர் உதவியாக‌ இருக்கும்.

நானும் என்னவரும் அவ்வாறு ரொம்ப‌ ஜாலியா நடந்திருக்கிறோம். மற்றவங்க‌ நம்மை வினோதமா பார்ப்பதை ரசித்தபடியே நடந்திருக்கோம்.:)

குதிகால் வலி

சொன்னா நம்ப‌ மாட்டீங்க‌. வலிக்க‌ வலிக்க‌ குதிகாலை மட்டுமே ஊன்றி கால் விரல்கள் தரையில் படாதபடி முன்னங்கால்களைத் தூக்கியபடி நடக்கணும்.கொஞ்சம் கஷ்டம் தான். வலிக்கும். பொறுத்துக் கொண்டு சிறிது நேரம் நடந்தால் போதும். தேவையெனில் சுவரைப் பிடித்துக் கொள்ளலாம்.

சில‌ தினங்களில் வலி குறைவதை உணரலாம்.

பொதுவா 'குரு இல்லாத‌ வித்தை குருட்டு வித்தை' அப்படீன்னு சொல்லுவாங்க‌. நீங்கள் தவறாக‌ செய்தால் சரிசெய்ய‌ குரு மூலம் கற்றாலே முடியும். சில‌ பயிற்சிகளை வீடியோ மூலம் புரிந்து கொள்ள‌ இயலும். ஏதோ என்னால் இயன்றவரை மிக‌ மிக‌ சிம்பிளான‌ பயிற்சிகளை மட்டுமே இங்கே சொல்லியிருக்கிறேன்.

ஸ்கிப்பிங் போடுவதும் ஜாலியான‌ பயிற்சி.
உங்க‌ வீட்டு குட்டீசோட‌ மாலை நேரத்தில் நல்லா ஓடியாடி விளையாடினால் மனசு, உடம்பு ரெண்டுமே குதூகலிக்கும். எனக்கு ரொம்பவும் பிடித்த‌ பொழுதுபோக்கு இதுவே.:)

மேலும் தோப்புகரணம் போடுவது மூளைக்கு செல்லும் நரம்புகளைத் தூண்டும்னு படிச்சிருக்கேன். எது எப்படியோ? ஆனால், தோப்புகரணம் போடுவது தலை முதல் கால் வரை நல்லதொரு பயிற்சி என்பது உண்மை.

டவுட் இருந்தால் கேளுங்க‌.
வலியின்றி வாழுங்க‌.:)
வலி மிகும் இடங்கள் வலி மிகா இடங்களாக‌ ஆகட்டும்.