பாசிப்பருப்பு பொரித்த முட்டை

வழங்கியவர்:

தேதி: January 7, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

4
Average: 4 (2 votes)

கிச்சன் குயின் பகுதிக்காக தேர்வு செய்யப்பட்ட திருமதி. ஆஸியா உமர் அவர்களின் பாசிப்பருப்பு பொரித்த முட்டை குறிப்பு, விளக்கப்படங்களுடன் இங்கே செய்து காட்டப்பட்டுள்ளது. குறிப்பினை வழங்கிய ஆஸியா உமர் அவர்களுக்கு நன்றிகள்.

 

பாசிப்பருப்பு (சிறு பருப்பு) - 100 கிராம்
தக்காளி - ஒன்று (சிறியது)
வெங்காயம் - 2 (நடுத்தரமான அளவு)
இஞ்சி, பூண்டு விழுது - ஒரு தேக்கரண்டி
பச்சை மிளகாய் - ஒன்று
மிளகாய்த் தூள் - கால் மேசைக்கரண்டி
மஞ்சள் தூள் - கால் மேசைக்கரண்டி
சீரகத் தூள் - கால் மேசைக்கரண்டி
மல்லித் தழை - சிறிது
முட்டை - 2
மிளகுத் தூள் - கால் மேசைக்கரண்டி
உப்பு - தேவைக்கேற்ப
எண்ணெய் - 2 தேக்கரண்டி
கடுகு - கால் மேசைக்கரண்டி
காய்ந்த மிளகாய் - 2
நெய் - 2 தேக்கரண்டி


 

பாசிப்பருப்பை சிறு தீயில் 3 நிமிடங்கள் லேசாக வறுத்து எடுக்கவும். (சிவக்க வறுக்கக் கூடாது). வெங்காயம், தக்காளி மற்றும் மல்லித் தழையை பொடியாக நறுக்கி வைக்கவும்.
குக்கரில் பாசிப்பருப்பைப் போட்டு தண்ணீர் ஊற்றி, மஞ்சள் தூள், சீரகத் தூள், மிளகாய்த் தூள், இஞ்சி, பூண்டு விழுது, தக்காளி, பாதி அளவு வெங்காயம், பச்சை மிளகாய் மற்றும் அரை தேக்கரண்டி நெய் சேர்த்து 2 விசில் வ்ரும் வரை வேக வைத்து எடுத்துக் கொள்ளவும். வெந்ததும் பருப்பில் ஒரு டம்ளர் வெந்நீர் சேர்த்து உப்பு சேர்க்கவும்.
ஒரு முட்டையுடன் மீதமுள்ள வெங்காயத்தில் பாதி அளவைச் சேர்த்து, மிளகுத் தூள், உப்பு மற்றும் சிறிதளவு மல்லித் தழை சேர்த்து கலந்து கொள்ளவும். ஒரு பவுலில் மற்றொரு முட்டையை அடித்து தனியாக வைக்கவும்.
தோசைக் கல்லில் நெய் விட்டு, வெங்காயம் கலந்த முட்டைக் கலவையை ஊற்றி வேகவிட்டு எடுத்து, சிறு துண்டுகளாக வெட்டி வைக்கவும்.
வாணலியில் எண்ணெய் விட்டு கடுகு, கிள்ளிய காய்ந்த மிளகாய், கறிவேப்பிலை மற்றும் மீதமுள்ள வெங்காயம் தாளித்து, குக்கரில் வேக வைத்த பாசிப்பருப்பில் கொட்டவும்.
அதனுடன் துண்டுகளாக வெட்டி வைத்துள்ள முட்டையைச் சேர்க்கவும். பிறகு தனியாக அடித்து வைத்துள்ள முட்டையை ஊற்றி, மூடி போட்டு சிம்மில் 5 நிமிடங்கள் வைத்திருந்து இறக்கவும்.
சுவையும், மணமும் நிறைந்த பாசிப்பருப்பு பொரித்த முட்டை ரெடி.

இது குழந்தைகளுக்கும், வயதானவர்களுக்கும், குழந்தை பெற்றவர்களுக்கும் ஏற்ற உணவாகும்.

உறுப்பினரது அண்மைக் குறிப்புகள்

இணையான குறிப்புகள்

  • Log in or register to post comments

Comments

balanayagi - January 7, 2015 - 15:00

ரொம்ப‌ நல்லா இருக்கு எல்லாமே. வாழ்த்துக்கள். படங்களும் அருமை.

எல்லாம் சில‌ காலம்.....

Vani Vasu - January 7, 2015 - 18:56

எல்லா குறிப்பும் சூப்பர். படங்களும் ரொம்ப அழகு. வாழ்த்துக்களும் பாராட்டுக்களும் :)

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

nasreengani - February 9, 2015 - 21:39

இந்த குழம்பு நேற்று செய்தேன் ரொம்ப நல்லா இருந்தது முட்டை பொறித்து போடாமல் நாங்களும் இதுபோல் காய்கறி தேங்காய் பால் முட்டை ஊற்றி செய்வோம் நன்றாக இருக்கும் இதுவும் நல்ல சுவை

priya BS - February 7, 2017 - 16:07

super irruku