வழங்கியவர்:

தேதி: January 21, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

வனிதா அவர்கள் வழங்கியுள்ள இலங்கை இனிப்பு வகைகளில் ஒன்றான ருலங் அலுவா என்ற குறிப்பு, கிச்சன் குயின் பகுதிக்காக தேர்வு செய்யப்பட்டு, விளக்கப்படங்களுடன் இங்கே செய்து காட்டப்பட்டுள்ளது. குறிப்பினை வழங்கிய வனிதா அவர்களுக்கு நன்றிகள்.

ரவை - அரை கப்
ப்ரவுன் சர்க்கரை - கால் கப்
நெய் / வெண்ணெய் - ஒரு மேசைக்கரண்டி
பேரீச்சம் பழம் - 5
முந்திரி - 5
உப்பு - ஒரு சிட்டிகை
வெனிலா எசன்ஸ் - அரை தேக்கரண்டி
பால் - அரை கப்

பாலை கொதிக்க வைத்து சூடாக வைத்திருக்கவும்.

முந்திரி மற்றும் பேரீச்சம் பழத்தை பொடியாக நறுக்கிக் கொள்ளவும்.

கடாயில் ரவையைப் போட்டு சிவக்க வறுக்கவும்.

அதனுடன் வெண்ணெய் சேர்த்து கலக்கவும். பிறகு சர்க்கரை, பொடியாக நறுக்கிய பேரீச்சை மற்றும் முந்திரி சேர்த்து 2 நிமிடங்கள் கிளறவும்.

அதில் சூடான பாலை ஊற்றி கலந்து மூடி விடவும்.

5 நிமிடங்கள் சிறு தீயில் வைத்து கிளறி இறக்கி, நெய் தடவிய தட்டில் பரவலாகக் கொட்டி அழுத்தி விடவும்.

சுவையான ருலங் அலுவா தயார். ஆறியதும் துண்டுகள் போட்டுப் பரிமாறவும்.

இத்துடன் அனைத்து வகையான நட்ஸும் பயன்படுத்தலாம். ரவை முழுவதுமாக வெந்திருக்காது. வெள்ளை புள்ளிகளாகத் தெரியும். ஆனால் முழுவதும் வறுத்துவிடுவதால் நல்ல சுவையாக இருக்கும். இதில் இனிப்பும் அதிகமாக இருக்காது.

அரை கப் ரவைக்கு அரை கப் தான் பால் சேர்க்கிறோம். நட்ஸ் மற்றும் ப்ரவுன் சர்க்கரை தான் இதற்கு தனிச் சுவை கொடுக்கும்.