வெஜிடபுள் ஓட்ஸ் கஞ்சி

வழங்கியவர்:

தேதி: February 6, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

கிச்சன் குயின் பகுதிக்காக தேர்வு செய்யப்பட்ட திருமதி. ஹவ்வா அலியார் அவர்களின் வெஜிடபுள் ஓட்ஸ் கஞ்சி குறிப்பு, விளக்கப்படங்களுடன் இங்கே செய்து காட்டப்பட்டுள்ளது. குறிப்பினை வழங்கிய ஹவ்வா அவர்களுக்கு நன்றிகள்.

ஒட்ஸ் - அரை ௧ப்
பச்சை பட்டாணி - 5 மேசைக்கரண்டி
பீன்ஸ் - 5
காரட் - ஒன்று
பச்சை மிளகாய் - 2
சின்ன வெங்காயம் - 5
தக்காளி - ஒன்று
மஞ்சள் தூள் - அரை தேக்கரண்டி
எலுமிச்சை சாறு - சிறிது
மிளகுத் தூள் - அரை தேக்கரண்டி
சீரகத் தூள் - அரை தேக்கரண்டி
உப்பு - தேவையான அளவு
எண்ணெய் - ஒரு மேசைக்கரண்டி
கடுகு, உளுத்தம் பருப்பு - தலா ஒரு தேக்கரண்டி
மல்லித் தழை - 2 மேசைக்கரண்டி
தண்ணீர் - 2 கப்

காய்கறிகளை மிக சிறிய துண்டுகளாக நறுக்கி வைத்துக் கொள்ளவும்.

வெங்காயம், தக்காளியை சிறுத் துண்டுகளாக நறுக்கவும். மற்ற தேவையானவற்றை தயாராக எடுத்து வைக்கவும்.

குக்கரில் காய்கறி கலவை, ஒட்ஸ், பச்சை மிளகாய், வெங்காயம், தக்காளி போட்டு தண்ணீர் ஊற்றி 2 விசில் வரும் வரை வேக வைக்கவும்.

கடாயில் எண்ணெய் ஊற்றி கடுகு, உளுத்தம் பருப்பு தாளித்து சூப்பில் சேர்க்கவும். அதனுடன் மிளகுத் தூள், சீரகத் தூள், உப்பு, மல்லித் தழை சேர்த்து 5 நிமிடம் கொதிக்க விடவும்.