அறிமுகம்

வெல்கம் ...பாலா....
அறிமுகம் நல்லா தான் இருக்கு.
சீக்கிரம் கதையை எடுத்து விடுங்க‌ டைரக்டரே.
நாங்கள்ளாம் ஆடியன்ஸ்சா மாறி ஆர்வமா காத்திட்டிருக்கோம்.
ம் புதுக்கதை
புது டைரக்டர்
புது சீன்
கலக்குங்க‌.........:))))

ஹாய்,
கமான் யா. அறிமுகத்திலேயே அசத்திபுட்டீங்க‌. அருசுவை தோழியரின் அன்பான‌ வரவேற்புபா. வாங்க‌ வந்து கலக்குங்க‌. கிளாப் பண்ணி வரவேற்கிறோம் வாங்க‌. வாழ்த்துக்கள் பால‌ நாயகி.

பாசத்துக்குரிய பாலா அவர்களே. புத்தம் புதிதாய் அறிமுகம் தொடக்கம் கலக்கல். நம்மள. ஒரு ரோல் சேர்த்துட்டிங்க;). தாங்க்ஸ்ங்கோ. உங்கள் படைப்புகள் காண காத்திருக்கிறோம்.

பாசத்துக்குரிய பாலா அவர்களே. புத்தம் புதிதாய் அறிமுகம் தொடக்கம் கலக்கல். நம்மள. ஒரு ரோல் சேர்த்துட்டிங்க;). தாங்க்ஸ்ங்கோ. உங்கள் படைப்புகள் காண காத்திருக்கிறோம்.

பால நாயகி எப்போ சினிமா நாயகி ஆனாங்க?? ;) ஹீரோயின்னு என்னை சொன்னா உங்க கதை ரொம்ப ஓல்டு ஸ்டோரி போலிருக்கே... வயசான ஹீரோயின் :P புது புது அறிமுகங்கள் எத்தனை இருக்காங்க... க்றிஸ், டெடி... பிடிங்க நல்ல புது முக ஹீரோயினை ;)

எது எப்படி இருந்தாலும் அறிமுகம் என்ற தலைப்பை கண்டதும் அதுவும் அந்த படத்தோடு கண்டதும் அட்மின் அண்ணே தான் புதுசா அறுசுவையில் எதையோ அறிமுகப்படுத்துறது பற்றி போஸ்ட் போட்டிருக்கார்னு நினைச்சேன் :) பார்த்தா நாயகி... பால நாயகி ;) வாழ்த்துக்கள் பாலா. வாழ்க வளர்க.

அறுசுவை வலைப்பதிவுப் பக்கத்தில் இணைந்தமைக்கு என் வாழ்த்துக்கள். :-)

அறிமுகம் அறிமுகமாகவே அழகாக இருக்கு.
வரிகள் எல்லாம் நல்லாயிருக்கு.

சீக்கிரம் உங்கள் வலைப்பதிவு காண ஆவல்....
தேர்ந்தெடுத்த ஆக்டர்ஸ் சூப்பர்....
வாழ்த்துக்கள் பல....

அன்புள்ள‌ பாலா,
ஒரு சின்ன‌ கருத்து. "பாலாவின் முதற்கண் வணக்கம்‍‍‍‍‍‍‍‍‍‍‍‍ ‍‍>>>> முதற்கண் பாலாவின் வணக்கம் என்று இருக்க‌ வேண்டும்.
எந்த‌ இடத்திலும் முதல் முறை மட்டுமே நாம் (சபையிலோ, நேரில்
யாரிடத்திலுமோ அல்லது கட்டுரையானாலும் ) வணக்கம் கூறுவோம்.
முதற்கண் வணக்கம் என்பது முதல்முறை வணக்கம் இரண்டாம் முறை வணக்கம் என்று அடுத்து அடுத்து பலமுறை வணக்கம் கூறுவது போல் ஆகும்.
நன்கு தெளிவு வேண்டுமானால் பக்கத்தில் உள்ள‌ தமிழாசிரியரைக் கேட்கலாம்.
நல்ல‌ எழுத்து வளம் பிழையின்றி அமைந்தால் கீரீடம் சூட்டிக் கொண்டது போல‌, சொற்கள் இடம் மாறுவதால் எந்த‌ அளவிற்கு பொருள் மாறுபடும்
என்பதை அறிந்து கொண்டால் நம் எழுத்துக்கு நாமே தான் ராஜா.
அன்புடன் பூங்கோதைகண்ணம்மாள்

பாலா டைரக்டர் மேடம் உங்க படத்துல எங்களுக்கும் ஏதாவது ரோல் கொடுங்க.. அதும் இந்த ரேவா பெண்ணை உதைக்குற ரோல்..

நல்ல என்டரி கலக்குங்க..

அறிமுகம் சூப்பர். சீக்கிரம் படத்த ரிலீஸ் பண்ணுங்க பாலா. நாங்க எல்லோரும் ஆவலா உங்க எழுத்தை படிக்க காத்துக் கொண்டிருக்கிறோம்.

உதைக்கிற ரோல் நா உங்களுக்கு கழுதை ரொல்தான் இருக்காம். அதான் நல்லா உதைக்கும்.;)

அன்பு பாலநாயகி,

வலைப்பதிவுலகில் புதுமுகமாக அறிமுகமாகி இருக்கும் உங்களை வரவேற்கிறோம்.

அம்மா வேஷம் கொடுத்ததுக்கு ரொம்ப தாங்க்ஸ்!

சீக்கிரமே 100வது பதிவு வர வாழ்த்துக்கள்!

பூங்கோதை சொன்ன இந்த விடயம்... என்னையும் கடுப்பிலாழ்த்துவது உண்டு. :-) யாராவது அந்த வார்த்தையைத் தவறான இடத்தில் பயன்படுத்திப் பேச்சை ஆரம்பித்தால், மீதிப் பேச்சிலிருந்து என் கவனம் வேறு புறம் திருப்பிவிடுவதும் உண்டு. இப்போதெல்லாம் கற்றறிந்தவர்கள் கூட இப்படிப் பேசுவதைக் கேட்க முடிவது வருத்தமான விடயம். ;( நாம் சொன்னால், நாம் சொன்னதுதான் தவறு என்று ஆதாரம் காட்டப் பிரபலங்களின் பேச்சுக்கள் பல, இணையத்தில் கொட்டிக் கிடக்கின்றன பூங்கோதை. நீங்கள் அருமையாக விளக்கம் கொடுத்திருக்கிறீர்கள்.

அப்படியே... பாலநாயகிக்கு மாதிரி, மாறி, மாரி என்கிற சொற்களின் பயன்பாட்டையும் கொஞ்சம் சொல்லிக் கொடுத்தால் நன்றாக இருக்கும். :-)

மாதிரி __ யாரைப்போல‌ / like whom
மாறி‍‍‍ ___ ஒன்று வேறு ஒன்றாக‌ ./ changed fully
மரி __ மரணம் / மறி ‍‍‍‍____ தடுப்பது / மலி ___ அளவுக்கு அதிகமாக‌
மாரி ___ யார்( மழையாய்க்) கொட்டுவது /(rain)ing heavy
விடு__ விடுதல் leaving
வீடு மோட்சம் heavenly house
வீழ் விழுதல் falling from a place
வீளை/ whistle
முலை breast
மூலை corner
மூளை brain
வலை net
வளை bending a thing, bangles, house of the grab
வாழை banana fruit, tree,
வாளை a kind of fish, sword. the saw (cutting tree
கருப்பு __நிறம் / கறுப்பு ___ வஞ்சகம்
கூந்தல் கிழவன் ‍‍___ கணவன்
உணங்கல் ____ உருண்டை / உணக்கு ____ காயவைத்தல்
கலை.___ ஓவியம் போன்றவை, கலைத்துப்போடுதல்
களை _‍‍‍___ பயிரில் உள்ள‌ வேண்டாத‌ செடி கொடி போன்றவை
அரிசி போன்ற‌ தானியங்களை நீரில் இட்டுக் கழுவுதல்
வேண்டாதவற்றை பொறுக்கி எடுத்து ஒதுக்குதல்
கழை ___ மூங்கில் ( அதன் கொம்பு. தடித்த‌ மூங்கில் )
குழை____ தளிர் இலையோடு உள்ள‌ கொத்து, பொருள்களைக் குழைத்தல்
தேன், நெய், எண்ணை போன்றவற்றோடு,/ சோற்றைக் குழைய‌
வேகவைத்தல்,/ காதில் பெண்கள் அணியும் ஒருவகைக்காதணி
நாய் வாலை ஆட்டுதல்
குலை‍‍___‍ ஒரே காம்பில் காய்த்து இருக்கும் காய்கள், வாழை,(மாங்கொத்து)
குரை___ நாய் குரைத்தல்
குறை____ இருக்கிற‌ அளவில் இருந்து வெட்டியோ, ஒடித்தோ எடுத்தோ சிறியதாக்குதல்
குழம்பு ___ சாம்பார், குருமா, தக்காளிக்குழம்பு போல‌,/ எண்ணம், செயல்
இவற்றில் ஒரு முடிவு எடுக்கமுடியாமல் திண்டாடுதல்.
குளம்பு___ ஆடு, மாடு, குதிரை, கழுதை போன்ற‌ பிராணிகளின் நகப்பகுதி
வரி ____ நீண்ட‌ படுக்கைக் கோடு/ வீட்டுக்குக் வரி.கட்டுவது/
நிரை__‍‍‍ ஆனிரை__ பசுக்கூட்டம்,
நிறை ____ பானை, சட்டி, குடம், அண்டா போன்றவற்றில் தானியம்,தண்ணீர்
போன்றவற்றை இட்டு, ஊற்றி நிரப்புதல்
உரி___ தேங்காய் போன்றவற்றை நார் உரித்தல்/
உறி ____ வெண்ணை,பால், தயிர் போன்றவற்றை எறும்பு, எலி இவற்றிடம்
இருந்து பாதுகாக்க‌ வளையத்தில் தொங்க‌ விட்டிருக்கும் மூன்று
கயிறுகள் அல்லது சங்கிலிகளால் பிணைக்கப்பட்ட‌ வளையம்
மேலும் தொடரலாமா?
அன்புடன் பூங்கோதைகண்ணம்மாள்

//மேலும் தொடரலாமா?// :-))) வேண்டாம், வேண்டாம்... :-) இதுவே அதிகம். :-)

முதலில்... 'மாதிரிக்கு' சில வரிகள் - பாலநாயகி எழுதியதை //அப்டியே படிங்க‌.
பாசத்திற்குரிய‌ பாரதிராஜா மாரி ட்ரை பண்ணேன்.//
//அனுபவம் சொல்லி குடுத்து புரியற‌ மாறி அன்பா சொல்றது...//
//அவங்க‌ எல்லாமே சரோஜா தேவி, ஜோதிகா மாறி திடீர்னு சூப்பரா ரீ‍என்ட்ரி குடுப்பாங்க‌.//
//சிப்ஸ் எல்லார்க்கும் பிடிக்கும். அதே மாறி இந்த‌ முறுக்கும் பிடிக்கும்.//

வழக்கமாக, எங்கெல்லாம் 'மாதிரி' என்னும் சொல் வர வேண்டுமோ அங்கெல்லாம் 'மாறி மாறித்' தட்டி வைப்பார்கள். பாரதிராஜாவைப் பற்றி வரும் வரியில் மட்டும் 'மாரி' எழுதியிருந்தார்.

//ஒண்ணுமே புரியலியே// :-) இங்கு எப்போதும் இமாதான், 'அது பிழை, இது பிழை,' என்று மற்றவர்கள் காலை வாருவேன். இப்போது ஒரு துணை கிடைத்ததும் சந்தோஷம் தாங்க முடியவில்லை. அந்த மகிழ்ச்சியில்... உங்களையும் இழுத்து விட்டிருக்கிறேன். ;-))))

அன்புள்ள‌ பாலனாயகி அம்மையே
காலை வணக்கம். வணக்கம். வணக்கம்.
ஒரு நீண்ட‌ பதிவு தருவதற்கு நீங்கள் மட்டுமே காரணம் அல்ல‌. அறுசுவையில்
பதிவுகள் இட்ட‌ பலரின் பதிவுகளும் காரணம். சரியான‌ நேரத்தில் இமாவின்
பதிவு எனக்கு ஒரு தூண்டுகோலாக‌ பக்கபலமாக‌ அமைந்ததற்கு நான் இமாவிற்கு
நன்றி கூறக் கடமைப்பட்டிருக்கிறேன் பலரின் பதிவுகளில் வரும்தாங்கமுடியாத‌
பிழைகளை எப்படித் திருத்துவது என்று விழித்துக் கொண்டு இருந்தேன்.
தமிழில் எழுத்து வழக்கும் பேச்சு வழக்கும் வேறு வேறு. பொருளில் மிகப் பெறும் வேறுபாடு ஏற்படும் என்பதைத் தெரிவிக்கவே எழுதினேன். தான் எழுதுவதில் தவறு இருக்கிறது என்று தெரிந்தாலும் அதைத் திருத்திக்கொள்ள‌
இயலாமை காரணமாக‌ ( வயது, வாழும் சூழ்னிலை, நாடு, வெளியே சொல்ல‌
முடியாத‌ பல்வேறு காரணங்கள் இப்படிப் பல‌ காரணங்கள் இருக்கலாம்)
என்பதால் தான் இதனை எழுதினேன்)இதில் முதற்கண் நன்றி உனக்கேஉனக்கு.
வசமாக‌ பாண்டிச்சேரி பாலா மாட்டிக் கொண்டாய்.( என் தந்தையின் தாயார்
தனபாக்கியம் பிறந்த‌ ஊர் பாண்டிச்சேரி). "என்னை வைத்து காமெடி கீமெடி பண்ணலியே " என்று வடிவேலு பாணியில் கேட்காமல் (உண்மையிலேயே மனதில் உனக்கு வருத்தம் இல்லையென்றால்) தற்காலத்தில் தமிழ் படுகின்ற‌
பாட்டை சிறிது குறைக்கலாம் (அட்மினின் உதவியோடு) என்று விரும்புகிறேன்.
தமிழாசிரியரின் மகளாகப் பிறந்து தமிழாசிரியராகவும் தலைமைஆசிரியராகவும்
30 ஆண்டுகளுக்கு மேல் பணியாற்றியதற்கு இதையாவது செய்யலாமே என்று
ஓர் ஆசை. இதை உனது பதில் பதிவிற்குப் பிறகே தொடரலாம் என்று நினைக்கிறேன்.விரைவில் உனது பதிலினை எதிர்பார்க்கும் பூங்கோதை.
அன்புடன்பூங்கோதைகண்ணம்மாள்