குழந்தைகளுக்கு சலித் தொல்லையா?

குழந்தைகளுக்கு சலி, காய்ச்சல் இரும்பல் போன்ற உபாதைகள் சாதாரணமான விசயமானாலும் அவர்கள் அந்த அசுகத்திலிருந்து விடுபடும் வரை குழந்தைகளைவிட பெற்றோருக்குத் தான் அதிக சிரமம் என்பதை யாரும் மறுக்க முடியாது. ஏனென்றால் அந்த நேரத்தில் சரியாக சாப்பிட மாட்டார்கள், சரியான தூக்கம் இருக்காது பலமிழந்து வாடிப் போய் அம்மாவின் மனதை சோகத்தில் பிழிந்துவிடுவார்கள். ஆனால் குழந்தை சுகமில்லாமல் இருக்கும் பொழுது தாய் சோகமாகிவிட்டால் பின்பு குழந்தைக்கு தெம்பு எப்படி வரும்?

ஆகவே தாய்மார்களே குழந்தைக்கு அசுகம் என்று எது வந்தாலும் முதலில் நீங்க பதட்டபடாமல் இருங்கள். இவைகள் யாவும் சாதாரணமாக குழந்தைகளின் வாழ்க்கையில் நடைப் பெறும் விசயம் தான் அதற்க்கு போதிய மருந்தும் ஆகாரமும் சரிவர கொடுத்தால் போதும் சரியாகிவிடும்.

பொதுவாக தாய்ப்பால் குடிக்கும் குழந்தைகளுக்கு இந்த தொந்தரவு குறைவாகத் தான் இருக்கும், இருந்தாலும் பால் குடி நிறுத்தியவுடன் அவர்களுக்கும் இந்த உபாதைகள் வரத்தான் செய்யும். இன்னும் பள்ளிக்கூட சிறுவர் சிறுமிகளுக்கும் அடிக்கடி இந்த தொந்தரவு இருக்கும். கிட்டதட்ட ஐந்து அல்லது ஆறு வயது வரை மாதாமாதம் கூட சளி காய்ச்சலில் அவதிப் படுவார்கள்.

இருந்தாலும் குழந்தைகளுக்கு நாம் கொடுக்கும் ஆகாரத்தின் மூலமாக ஓரளவிற்க்கு இந்த தொல்லையிலிருந்து காப்பாற்றலாம். நோய்தடுக்கும் உணவுகளை இந்த சிறிய வயதிலிருந்தே பழக்கப்படுத்திவிட்டால் பிறகு உணவே மருந்தாகி அவர்களுக்கு பாதுகாப்பை அளிக்கும்.

குழந்தைகளுக்கு முக்கியமாக வைட்டமின் நிறைந்த உணவுப் பொருட்களை அன்றாட உணவில் சேர்ப்பது அவசியம் அதனால் அவர்களுக்கு நோய்தடுப்பு சக்தி இயற்க்கையாக அமைந்துவிடும், அந்த சக்தியை அன்றாடம் பயன்படுத்தும், காய்கறி பழங்களிலிருந்து சுலபமாக குழந்தைக்கு கொடுக்கலாம்.

1.முக்கியமாக வேகவைத்த உருளக்கிழங்கு, கேரட், மற்றும் தக்காளி, ஆரஞ்சு, தர்பூசணி, ஸ்ட்ராபெர்ரி ,புலூபெர்ரி, பிலாக்பெர்ரி, போன்ற பழங்களின் ஜூஸ், இவைகளில் எது முடியுமா அதை அன்றாட பழக்கத்தில் உணவாக கொடுப்பது நல்லது.

2.மேலும் பால், தயிர், வேகவைத்த முட்டை, இறைச்சி வகைகள், மீன்,வாழைப்பழம்,வேர்கடலை, பாதாம் பருப்பு,போன்ற பருப்பு வகைகளுடன் மற்றும் விதைகள், மேலும் அவர்கள் விரும்பும் ஐஸ்க்கிரீம், சீஸ், பேன் கேக்ஸ்(நம்ம குறிப்பு) அரிசியில் செய்த உணவுகள், பருப்பு, கோதுமைப் பண்டங்கள் போன்று அன்றாட உணவில் இவைகளைச் சேர்ப்பதன் மூலமாக நல்ல உடல் உறுதியும் வலுவான எலும்பையும் பற்க்களையும் பெறுவார்கள்.

3.ஒரு வயதிற்க்கு மேல் இருக்கும் குழந்தைகளுக்கு பாலில் கலந்த தேன், மற்றும் பேரீச்சம் பழம் உலர்ந்த திராட்ச்சைப் போன்ற பழங்களையும் சேர்த்துக் கொள்ளுங்கள் இவைகள் குழந்தைகளுக்கு நல்ல ஞாபக சக்தி அதிகரிக்கவும் பொருமையுடன் இருக்கவும் உதவுகின்றது.

தினமும் அவர்களுக்கு பிடிக்கும் வகையில் உணவை சரிவிகித சமமான சத்துக்கள் கொடுப்பதை நாம் பழக்கப் படுத்திக் கொள்வது நல்லது. குழந்தைக்கு உடல் நிலை சரியில்லை என்பதற்க்காக நீங்களாக எதையும் நிறுத்த வேண்டாம் சளிபிடித்திருந்தால் கூட பரவாயில்லை அவர்களுக்கு என்ன பிடிக்குமோ அதைக் கொடுத்து வயிற்றை நிரப்பி விடுங்கள், குழந்தைகளுக்கு உணவால் எந்த பிரச்சனையும் அதிகரிக்காது குறைந்தால் தான் பிரச்சனை அதிகமாகும் இதனால் அசுகம் நீங்கவும் அதிக நேரமெடுக்கும்.நேரம் தவராமல் மருந்தை சாதாரண சளி மருந்தைக் கொடுத்தாலே போதும் சரியாகிவிடும்.

ஆனால் அதனுடன் வீஸிங் என்ற மூச்சு தினறுவது வாயால் சுவாசிப்பது போன்ற அசுகம் இருந்தால் தாமதிக்காமல் மருத்துவரை சந்திப்பது அவசியம் இல்லாவிடில் குழந்தைக்கு டிரிப்ஸ் ஏற்றி மருந்தையும் உணவையும் கொடுக்க வேண்டிய நிலை வந்து குழந்தை அவதிக்குள்ளாகும்.மற்றபடி சாதாரண சலித் தொல்லைக்கு பயப்படத் தேவையில்லை

எல்லாவற்றுக்கும் மேல் குழந்தைகளுக்கு சுத்தமான காற்றும், சூரிய ஒளியும் மிகவும் முக்கியம் என்பதால் எவ்வளவு சிறியக் குழந்தையாக இருந்தாலும் தினமும் வெளியில் முக்கியமாக காலை நேரத்தில் வெளியில் சிறிது நேரம் வைத்திருந்து அழைத்து வருவது குழந்தைப் பருவத்திலிருந்தே மனதுக்கும் உடலுக்கும் நல்ல ஆரோக்கியத்தை தரும் என்பதில் சந்தேகமில்லை.

மேற்க்கூறிய அனைத்தையும் விட விலைமதிக்க முடியாத அவர்களின் தாயின் அரவணைப்பு மட்டும் குறைந்த பட்சம் குழந்தைகள் சுகமில்லாமல் இருக்கும்போதாவது தங்கு தடையில்லாமல் கிடைத்துவிட்டால் போதுமே, பிறகென்ன அவர்களின் வாழ்நாள் முழுவதும் ஆரோக்கியமான குழந்தைகள் தானே. நன்றி.